ترکمنیم
محمدعالم " گونش"
ترکمنیم
غفلت اویقوســــــندن برگون اویانیب
ایاغینگه غالار موسن ترکمـــــــــنیم ؟
هوشیار بولیب گون دن،گونه دایانیب
اونگه گتجک بولارموســن ترکمنیم ؟
دوست کیم دیر،دشمان کیم تانیب بیلارسن؟
قاچان بیربیرگه، مــــــــــــهر سالار سن
یاکه قسمت شـــــول دیب، آخرأولارسن
یااوزینگی بیلارموســـــــــــــن ترکمنیم ؟
باشقه لاربیر لاشدی، باقسنگ تورت یانه
فرصت یوقــــدیربلسنگ، غاراب دورمانه
آغـــــــزبیرلیک ایلاب ،غوشولیب سانه
حــــق حــقــوقینگ آلار موسن ترکمنیم ؟
اولادینگ چولده دیر، مدام خوار بولیب
بیلیم دن خــــــبرسیزگوزلی کور بولیب
بیر بیرگــــی غولداب همه زور بولیب
آیتغین شـــــویله بولارموسن ترکمنیم ؟
آته بابانگ کـــیم تی ؟ بللی جهانه
شولارینگ یولینه بولسنگ روانه
بولمسه آزار کان ، بوشیرین جانه
جانه رحـــــم سالارموسن ترکمنیم؟
اوغل غیزینگ علــــم یوله شایلاسنگ
قاچان بیرگون من من لیگی تایلاسنگ
ذرّه آرمـــانم یوق ، بیرلیک آیلاسنگ
شول آرمانم قیلارموســــــن ترکمنیم؟
أویلانغین بیرزمان اونگینگ ایزینگا
بیرلشماگـــی أوورت اوغل غیزینگا
عـالـم آیدر ییقلایمـــــــی ؟ دیزینگا
یاکه ایندی بیلارموســــن ترکمنیم ؟
بول شعر محمد عالم " گونش " نینگ اوز بویوک ترک خلقی اوچین ، یوراکدان جوشیب آیدانی دیر.
