بیرگیشی ابو ذر جمهر دن سوراپ دیر.
علم یغشی می یا مال؟
ابو ذر جمهر جواب بیریپ دیر: علم
اول گیشی ینه سوراپ دیر :
اونده نامه اوچین علم لی آدم لر، ماللی آدم لارینگ ایشنه بار یار لار، یونه ماللی آدم لار اول
قدر علم لی آدم لاره غره میار؟
ابو ذر جمهر جواب بیریپ دیر:
علم لی لار مالینگ ارزشی علم بیلان کماله گیلیشینی بیل یار لار، یونه ماللی لار اوز جهالتی
بیلان علم نینگ قدرینی بیل میار لار.
بیرله شیگی دنیاده
عـــــلم اوچین گره ک زادی آیداین
اول تاپینگ بـــیره له شیگی دنیاده
حاصـــــــــل تجــربه دن بیان اداین
تاپینگ دوستـلر بیرله شیگی دنیاده
بیرله شیکدن هــــــــرخیل تاپیلرایشلر
دینمان علم اوقانگلــــرهم یازوغیش لر
غاراب گورینگ اوچــــرتوپلانیپ غوشلر
تاپینگ دوسـتـلربیرله شــــیـگی دنیاده
عــلــــم لی لـــــراوزحـقـــینه قایلدیر
بی عـــلــــــم لربولمز ایشه مایل دیر
هرکیم نادان بولسه بیلینگ جاهل دیر
تاپینگ دوســــتلربیرله شیگی دنیاده
علمی بیرله شیکدن هرخیلی بند لر
آچیلارگل-گلــــــزاراوبه لر،کـــنت لر
اتفـاقه گـــیلــیپ بیلمــــــــزآفـت لر
تاپینگ دوستلربیرله شیگی دنیاده
دیری لیکده عـلــــــم گره ک آنگ گره ک
غوران سوزینگ گیتــمز هرگز بی دره ک
بیرله شیک دنیـــاده زورگویچلی یوره ک
تاپینگ دوســـتلربیرله شیـــــگی دنیاده
ای "فدایی" سیناپ گور گین سن مونی
بیرلیگه غــــــــوربان ات جان بیلن تنی
یکه لیک ، د نگسیزلیک خواراتی سنی
تاپینگ دوســـــــتـلربیرله شیگی دنیاده
دولت گیلدی "فدایی"
۱۲۷۹ - ۱۳۵۱(هـ ش )
پنــــــــد
اگربیر کیشا یغشی لیق اتسنگیز اوز لر نگیزه یغشی لیق ادن سینگیز.
اگربیرکیشا یامان لیق ادن سینگیز هم اوز لرینگیزه یامان لیق ادن سینگیز.(قرآن شریف )
اگر بیر کیشا یغشی لیق ادن بولسانگ گیزله (ساقله ) اگر بیرکشی سنینگ اوچین
یغشی لیق ادن بولسه گیزله مه آیت . (حضرت علی "ک" )
اولی لر سوزی 
دوست لیق باره ده : 
دوسـت لیق ده اورتانی توت ، آیدیب بولـمز دوسـت بیـرگـون دشمان بولسه . (حضرت محمد "ص" )
غریب اولکشی دوستی یوق بولسه . ( حضرت علی "ک" )
دوستی تیز تاپجق بول مانگ وتیز هم اوزینگیزدن اوزه ق لتمانگ . ( سولرن )
دیلی سویجی نینگ دوستی کوپ . ( داد به فارسی )
حقیقی دوستلر گوزدن گیتسه ده یوره ک دن گیتمه یور. ( سیسرون )
حقیقی دوست هممه نارسه دن قیمت راق . ( لارشفوکو )
دوستینگ دلیل سیز غهار ایتسه اونینگ دوست لیغینه انان مه . ( قابوس وشمگیر )
شاه لرنگ شاه سی سلطان ابوالحارث احمد سنجرینگ ایکی گون لیک سمیناری سلطان سنجر واونونگ زمانه سی عنوانی آستینده ترکمنستان جمهورلیغینگ مرکزی عشق آباد شهرینده بولوپ گچدی.
سمینارینگ بیرنجی گونی مرو شاه جهان داکی سلطان سنجر ینگ مقبره سینه زیارته باریلیپ وبیر بیوک توپلانتی دوزیلدی .توپلانتی بیلان ترکمنستان خلق لاری آیراتینام مرو شاه جهان مدنیتی اولسی وجهانینگ (23) مملکتندان باران وکیل لر غتناشیپ وبول توپلانتی ترکمنستانینگ اطلاعات وفرهنگ وزیری خانم مارال وترکیه نینگ اطلاعات وفرهنگ وزیری بشیر آتیلا نینگ سوزه چقیش لری بیلن باشلانیپ سونگره سلطان سنجرینگ آرامگاه سی غیته باشدان ترمیم بولیشی ، رسماً آچیلدی .
سمینارینگ ایکی نجی گونی عشق آباد شهرینده دوام اتدیرلیپ ارتیرساعت یتدی دان باشلانیپ تا آقشام ساعت آلتی بجه چنلی دوام تاپدی . سمینارینگ ایکی نجی گونینده جمعاً (77) مقاله اوقیلدی .
بول سمیناره اوغانستانداکی یاشایان ترکمن لر دن هم عبدالمجید توران غتناشیپ اوزنوبتینده چقیش اتدی ، واوزنینگ بیوک شهنشاه سی عنوان آستینده تیارلان مقاله سینی اوقیدی وغزغین اسقبال بولیندی.
سمینار یریوزینده پراخت لیغینگ برقرار بولماغی واهلی ترکمن لرنگ آغزی دیل بیرلیگینه دعای خیر اتمک لیک بیلن غوتردی.
