کاشغرلی محمود تورک دنیاسنینگ پارلاق ییلدوزی

تورک ادبیات آسمانینگ اینگ پارلاق ییلدوز لرنینگ بیره گی وهمده تورکولوژی مکتب نینگ اساس غویجی سی شیخ محمود بن الحسین الکاشغری دیر.

کاشغرلی محمود سنه ( 380 هـ ) ییلنده حاضرکی قیرغیزستان  جمهورلیغینده اورون توتان ایسق کول جهیل چه سنینگ یقین لیغینداکی باسغان شهرینده دنیا اینیپ و ( 97 ) یاشینده دام عالمدان اوتیپ دیر.

پروفیسور دوکتور رشاد گنج آدلی عالمینگ آیدیشینه گورا : محمودینگ آتاسی باسغانلی بولوپ سونگره کاشغره گوچوپ باریپ دیر ومحمود کاشغر ده دوغیلانی اوچین کاشغرلی محموآدینده مشهور بولوپ دیر.

 اونونگ آتا بابا لری (( تگین ))  یاخاقان زاده بولوپ و محمودینگ آتاسی هم اوز وقتینده زبان شناس اکن . محمودینگ اوزی شجره سی حقنده بویله دییار: اجداد لرم امیر بولوپ دیرلر، یونه (( خمیر)) خطاب بولنیپ دیر. نامه اوچین کیم اوغوز ( ترکمن لر) امیر سوزینی دوغری تلفظ ادیپ بیلمان سونگ الف حرفی (( خ)) تلفظ ادیپ امیری (( خمیر)) دیپ آیدیپ دیرلر.

منینگ آتا بابالرم تورک توپراق لرینی سامانی لرینگ الیندان آزاد ادیپ (( خمیر تگین )) لقب بیلن مشهور بولوپ دیرلر. محمود یاش لیغینده آت چاپدیریش ، اوق یای آتیش ، گوراش ، غلیچ اویوننی ، چوگان اویونی یالی اویون لربیلن علاقه سی کوپ باراکن ، کاشغرلی محمود امیر زاده بولسه دام اشراف لیغه یوز گتیرمان اوزینی ایل اولس ایچنده گوریپ تورک توپراق لرینی غریش غریش سوکیپ گیزیپ تورک تیره طایفه لری بیلن یقین دان تانیش بولوپ دیر.

محمود فرغانه ، کاشغر، ایسیق کول ، طراز، نارین وچو شهرلرینی گوریپ یغما ، تخسی وچگل تیره طایفه لری بیلن غولای دان تانیش بولوپ و اوغُوزلر " ترکمن لر " آراسینده یاشاپ ترکمنی ، چگلی ، یغما وقیرغیزی سوزلیش لرینی غووی جه اورانیپ اولارینگ ایچنداکی داب دستور( فولکوریک ژانرلری ) توپلاپ دیر.

کاشغرلی محمود چپراستعدادلی بولانی اوچین اوز دوری نینگ گورنیکلی علم لی شخصیت لرینگ جمله سیندان حساب بولوپ اورا نان علم وبیلمینی بیوک عالم جارالله زمخشری یالی خلق خدمتینده غویوپ دیر.

محمودکاشغرلی نینگ یازان " دیوان اللغات الترک " اثرینی عباسی لرنگ ( 27) نجی خلیفه سی " المتقدی بامرالله " طلب ادیپ دور. کاشغرلی محمود عمری نینگ (97) یاشینده " دیوان اللغات الترک " اثرینی یازیپ وبول اثرده تورکی خلق لارینگ فولکلور، حماسه لر وقهرمان چیلیق لرینی سیغدیریپ تورکی وعربی دیل لرینی بیر بیری بیلن دنگ لاشدیریپ دیر وشول ایکی دیلی تاقیملی آت گبی دیپ بللاپ گچیپ دیر.

یونسکو خلق آرأ فرهنگی غورمه سی بول بیوک تورک شخصیتیندان قدر وحرمت لماق اوچین ( 2008) نجی میلادی ییلی کاشغرلی محمودینگ ییلی دیپ بللاپ دیر. بول بیوک شخصیت دان آنچمه یوورت لرشول جمله دان ترکیه جمهورلیغی ، ترکمنستان ، اوزبکستان ، ایران جمهورلیقلاری وافغانستانینگ دیمرغازیق بولگه لرنده ترکمن واوزبک فرهنگی لری طرفیندان قارشی آلیندی ، رحمتلی کاشغرلی محمودینگ یاتان یری یاختی ، جایی جنت دان بولسون واونونگ آدی همیشه دیل لرده وقلب لرده اورون توتسین.

 گونش